براہ راست — کوئٹہ
ENاردوبلۏچیبراہوئی
تازہ تلاشیں: بلوچ لبریشن آرمی جبری گمشدگی کوئٹہ آپریشن ہیروف
اوپر تلاش کریں یا کوئی موضوع منتخب کریں
کالم نگار · WRITER

admin

2851 تحریریں UPDATED OCT 5, 2022
SHOW
SORT
جہانی حوال

پاکستان انٹرنیشنل ٹیررازم ئٹ چالاخ ءِ- بھارتی وزیر داخلہ

بھارتی وزیر خارجہ ایس جے شنکر نا پاننگ ءِ کہ بھارت ءِ آئی ٹی یعنی انفارمیشن ٹیکنالوجی ٹی لائخی ارے ولے اونا ہمسایہ پاکستانہم اسہ جتاء وڑ نا آئی ٹی یعنی انٹرنیشنل ٹیررازم (جہانی دہشت گردی) ئٹ لائخ ءِ۔ بھارتی وزیر خارجہ ایس جے شنکر پاکستان ءِ بالواسطہ شغان تریسہ پارے کہ او آئی ٹی یعنی انٹرنیشنل ٹیررازم ئٹ لائخ ءِ۔ او خبڑدار کرے کہ اگہ اینو ننا بر خلاف دہشت گردی نا مخ تفی کننگک گڑا پگہ نے ہم دانا نتیجہ تیان گدرینگوئی تمو۔ بھارتی وزیر خارجہ تدوکا تیٹ گجرات ئٹ اسہ مجلس ئسے آن تران کننگ ئس۔ او پارے کہ ننا اسہ ہمسایہ سے، دنکہ ننے آئی ٹی یعنی انفارمیشن ٹیکنالوجی ئٹ لائخی ارے اندن او انٹرنیشنل ٹیررازم ئٹ لائخ ءِ۔ جے شنکر ودیک پارے کہ دا دہشت گردی بھلو وخت سے آن مننگ ءِ و نن داڑتون مون تننگ اُن۔ ولے داسا نن جہان ءِ دا پوہ کننگ ئٹسرسہب مسونن کہ دہشت گردی ءِ سیاست ئٹ اوار کپبو۔ انتئے کہ دہشت گردی، دہشت گردی ئسے۔ اینو ننا بر خلاف کننگک تو پگہ نمابر خلاف ہم مرو و الّم مرو۔ او ودیک پارے کہ دا نریندر مودی نا سفارت کاری ئس ہرا ایلو ملک آتے دہشت گردی نا حوالہ ئٹ سوبر مننگ آ بیوس کرے۔ او پارے کہ جہان نا اسہ ملک ئس ہم دہشت گردی آ دا وڑ عمل کپک امر کہ پاکستان کرینے۔ نمے دا ہیت صاف نظر برو کہ پاکستانتدوکا سال تیٹ تیوہ جہان ئٹ بھارت نا بر خلاف انت کرینے۔ ممبئی آ مروک آ دہشت گرد آ جلہو تیان گڈ نن کن دا الّمی مسوسس کہ ننتینا باروٹ دا درشان کین کہ دا وڑ نا رویہ غاک ہچ وڑ سیٹ سگنگ مفرور و دانا نتیجہ غاک ترند مرور۔

OCT 3, 2022
حوال

نوشکی، کوئٹہ: اسہ بندغ اس آجو، اسٹ بیگواہ

بلوچستان نا ضلع نوشکی آن زوراکی ئٹ بیگواہ مروک ورنا اس آجو مسنے اندن بلوچستان نا بنجائی شار کوئٹہ آن پاکستانی لشکراسہ ورنا ئسے دزگیر کریسہ نادرست جاگہ آ درینے۔ ٹی بی پی حوالکار نا رد ئٹ نوشکی آن 24 ستمبر 2020 آ زوراکی ئٹ بیگواہ مروک شاہد ولد حاجی شریف بادینی آجو مسنے۔ شاہدبادینی ءِ فرنٹیئر کور و سادہ پُچ بینوک کارندہ غاک نوشکی نا علاقہ کیشنگی آن زوراکی ئٹ بیگواہ کریسر۔ ایلو پارہ غا تدوکا دے شام نا نماز آن گڈ پاکستانی لشکر ولی جیٹ کلی سردہ سریاب کوئٹہ نا ہند آن اسہ بندغ ئسے دزگیر کریسہنادرست جاگہ ئسے درینت۔ دزگیری آن گڈ بیگواہ مروک بندغ نا چاہنداری محمد یاسر نا پن ئٹ مسنے۔ حوال تا رد ئٹ پن کروک بندغ ءِ پاکستانی لشکر اُرا نا مونا پرچون نا دکان آن دزگیر کرینے۔ یاتی مرے بلوچستان ئٹ زوراکی نا بیگواہی تا تدینیک ہڑدے مونا بریرہ، برجاء ہفتہ ٹی بلوچستان نا جتاء علاقہ تیان زوراکی نا بیگواہیتا تدینیک رپورٹ مسنو۔

OCT 1, 2022
حوال

کوئٹہ آن ورنا ئس زوراکی ئٹ بیگواہ

بلوچستان ٹی زوراکی نا بیگواہی تا تدینیک برجاء ءُ۔ تدوکا دے تیٹ ہراڑے جتاء علاقہ آتیان اِرا بندغ آجو کننگانو ہموڑے زوراکی ئٹبیگواہی تا تدینیک ہم رپورٹ مسونو۔  خضدار و نوشکی آن گڈ کوئٹہ آن اسہ ورنا ئسے نا زوراکی ئٹ بیگواہی نا تدینی رپورٹ مسونے۔  ٹی بی پی ءِ دوئی مروک حوال تا رد ئٹ سبزل روڈ کلی بنگلزئی نا رہینگوک ورنا برکت ولد محمد عارف بنگلزئی ءِ 27 ستمبر 2022 نا نناونا اُرا آن زوراکی ئٹ بیگواہ کننگانے ہرانا باروٹ دائسکان ہچو حوال ئس رسینگتنے۔  علاقئی بندغ آتا پاننگ ءِ کہ پاکستانی فورسز فرنٹیئر کور و سادہ پُچ بینوک کارندہ آتا بھلو کچ ئس اُلاخ آتیٹ رسینگیسہ علاقہ ءِ گھیرہکریر و پِن کروک ورنا ءِ تینتون اوار دریر۔ یاتی مرے کہ تدوکا دے تیٹ بلوچ بیگواہ بندغ آتا خاہوت آک وفاقی وزیر رانا ثناءاللہ نا باوری کننگ آ کوئٹہ ریڈ زون ٹی تینا برانز ءِ ایسرکریسُر ہراڑے برانز کروک آتے کمیٹی باوری کرفے کہ زوراکی نا بیگواہی تا توننگ کن گام ارفنگو اندن برانز کروک آتا پارہ غان تروکبیگواہ بندغ آتا پن تا لڑ آ گام ارفیسہ بندغ آتے آجو کننگو۔  پِن کروک فہرست آن داسکان اسہ بندغ ئس آجو مسونے واہم دانا زی آ گیشتر گام ارفنگتنے۔

SEP 30, 2022
حوال

بہاولپور یونیورسٹی نا خوانندہ تون ہمکوپئی نا درشانی، کوئٹہ ٹی برانز

بلوچ اسٹوڈنٹس ایکشن کمیٹی نا کنڈ آن اسلامیہ یونیورسٹی بہاولپور نا خوانندہ آتون ہمکوپئی نا درشانی کننگ کن دپدرشانی کننگا ہراٹی خوانندہ آتون اوار جتاء تپہ تا بندغ آک بھلو کچ اسیٹ اوار مسر۔ برانز ئٹ تران کروک آتا پاننگ ئس کہ تدوکا منہ وخت آن پنجاب تون اوار ایلو صوبہ آتیٹ خوانوک بلوچ آتا تعلیمی چرجوئی ٹی اسہ چمئسے نا وڑ ہڑاند بش کننگک۔ پنجاب نا گیشتر ادارہ آتیٹ تخنگوک نشست آتے ہر وار ایسر کننگک و خوانندہ آتیان فیس خوائنگک ہرابلوچ آتے خواننگ آن مُر تخنگ نا اسہ چم ئسے۔ اوفک پاریر کہ داڑان بیدس پنجاب ئٹ خوانندہ غاک خُلیس تون مون تننگ ءُ و اوفتے جامعہ تا تہٹی پروفائلنگ نا گواچی کننگک۔ دا وڑ ناحالیت آک خوانندہ تے ذہنی بے دادی نا گواچی کرینو ہرافتا سوب آن خوانندہ تا تعلیمی چرجوئی زیمی مننگ ءِ۔ حکومت حالیت آتاسختی ءِ اریسہ و پنجاب ئٹ خوانوک خوانندہ تا خواست آتے سوبری ئٹ ہلیسہ اوفتیا گام ارفہ۔ تنظیم نا نمائندہ غاک تران کریسہ پاریر کہ اختیار دار آک بہاولپور یونیورسٹی نا خوانندہ تا خواست آتیا گام ارفیسہ زوت اوفتا ویل آتےایسر کیر۔ اگہ جامعہ بست و بند و حکومت اندن خوانندہ تا خواست آتیا پامدار متور گڑا بلوچ اسٹوڈنٹس ایکشن کمیٹی اسہ خوانندہتنظیم ئسے نا رِدئٹ خوانندہ آتون اوار ترند برانز کرو۔

SEP 30, 2022
جہانی حوال

کابل: امتحانی ادارہ ٹی تراک، 19 بندغ بیران، کہیک ٹپی

کابل پولیس نا رد ئٹ اوغانستان نا بنجائی شار کابل ئٹ مروک آ تراک آن 19 بندغ بیران اندن کہیک ٹپی مسنو۔ بیران و ٹپی مروک آتیٹبھلا کچ خوانندہ آتا ءِ۔ دا تراک شار نا دے کیہلینگ دشت برچی نا علاقہ ٹی ٹہیفوک تعلیمی ادارہ ‘کاج’ ئٹ مسنے۔ دا تعلیمی ادارہ نا اوغدیدار آک پارینو کہ خوانندہ غاک یونیورسٹی نا پریکٹس امتحان ئٹ ساڑی ئسر ہراتم تراک مس۔ یاتی مرے کہ دا علاقہ ٹی رہینگوک گیشتر بندغ آتا تعلقداری اقلیتی ہزارہ برادری آن ءِ ہرافتے داکان مُست ہم کہی وار جلہو آتیٹ ٹککننگانے۔ ہندی ٹی وی و راجی حوالکاری میڈیا آ شینک مروک فوٹیج ئٹ خڑک نا اسپتال نا ندارہ غاک خننگرہ ہراڑے جونک ڈغار آ تالان ءُ۔  ہندیمیڈیا ٹی بھس مروک کلاس تیٹ مش نا ڈھیر چَپی تموک میز و کرسیک ہم خننگرہ۔ اسہ اسپتال ئسے ٹی تینا ہیڑ ءِ پٹنگ کن بروک ءُ زالبول ئس حوال شینک کروک ادارہ اے ایف پی ءِ پارے کہ “او داڑے ننے رسینگتو، اونوزدہ سال نا ئسے۔” ‘کاج ٹیوشن سینٹر’ اسہ پرائیویٹ کالج ئسے ہراڑے نرینہ و زالبول ہڑتوماتے خوانفنگک۔ تدوکا سال اگست ٹی طالبان نا اقتدار ئٹ بننگآن گڈ ملک ئٹ مسنتا بھاز آ اسکول آک بند ءُ ولے منہ پرائیوٹ اسکول ملوک ءُ۔ داسکان ہچو ٹولی ئس دا تراک نا ذمہ واری ءِ ارفتنے۔ ہزارہ برادری بھلو وخت سے آن شدت پسند تنظیم دولت اسلامیہ و طالبان ہڑتوما تا کنڈ آن مروک آ ظلم و زوراکی تون مون تننگ ءِ۔ ہزارہبرادری ٹی بھاز آ بندغ آک شیعہ مسلمان ءُ۔ دولت اسلامیہ و طالبان دا ہڑتوما ٹولیک سنی اسلام ءِ منیرہ۔ ہزارہ اوغانستان ئٹ مسٹمی بھلا نسلی اقلیت ءِ۔ طالبان وزارت داخلہ نا ترجمان دا تراک نا مذمت کریسہ پارے کہ سکیورٹی ٹولیک تراک نا جاگہ آ ساڑی ءُ۔ ترجمان عبدالنافی ٹاکور پارے کہ معصوم بندغ آتیا جلہو آک دژمن نا بے بندغی رویہ و اونا اخلاقی معیار نا کمبوتی ءِ پاش کیرہ۔ امریکہ نا کنڈ آن ہم دا جلہو نا سخت لوز آتیٹ مذمت کننگانے۔ اوغانستان ئٹ امریکی مشن چارج ڈی افیئرز، کیرن ڈیکر اسہ ٹوئیٹ اسیٹی پارینے کہ “امتحان تروک آ خوانندہ تیان پُر انگا کوٹی ءِ ٹککننگ گندہ ءُ کاریم ئسے۔ خوانندہ آتے بیدس خلیس آن خواننگ نا حق دوئی مرے۔” طالبان تدوکا سال اگست ئٹ اوغانستان ٹی اقتدار ئٹ بسوسس و اوفتا پاننگ ءِ کہ نن ملک ئٹ سوگوی اتنگ نا کوشست کننگ اُن۔ واہم ملک ئٹ اوفتا حریف ٹولی و پن ئنا شدت پسند تنظیم دولت اسلامیہ نا جلہوک برجاء ءُ۔ دشت برچی نا علاقہ ٹی اسکول و اسپتال آتے ہر وخت جلہو نا گواچی کننگانے۔ تدوکا سال طالبان نا اقتدار ئٹ بننگ آن مالو دشت برچی ٹی مسنتا اسہ اسکول ئسے آ بمب جلہو مسوسس ہرا ٹی کم و ود 85 بندغبیران و کہیک ٹپی مسوسر، ہرافتیٹ بھلا کچ خوانندہ تا ئس۔

SEP 30, 2022