بلوچستان نا ضلع پنجگور و خضدار آن پاکستانی لشکر مُسہ بندغ دزگیر کننگ آن گڈ بیگواہ کرے۔
بیگواہ کننگوک بندغ آتا چاہنداری علی حیدر ولد حاجی نبی بخش، سراج رشید و شہاب نا پن ئٹ مسنے۔
دافتان علی حیدر ءِ خضدار نا علاقہ کوڑاسک آن پاکستانی لشکر استو ننکان یک بجہ غا اُراغا چھاپہ خلِسہ دزگیر کرینے و بےڈس ءُ ہند ئسے آ درینے۔
علی حیدر نا خاہوت سیاسی تپہ، خوانندہ گل و بندغی حق آتا گل تیان خواست کرینے کہ علی حیدر کن توار بڑز کیر۔
دانگان پنجگور آن حوال رسینگانے کہ مُسہ دے مُست پنجگور نا علاقہ پروم آن پاکستانی لشکر سراج و شہاب ءِ دزگیر کرسا بیگواہ کرینے و اوفتا ہچ ڈس اف۔
خاہوت نا رد ئٹ تومکا تدوکا دے تیٹ زامران آ ہناسر و واپس بننگ آ پروم آن پاکستانی لشکر اوفتے بیگواہ کرینے۔