استو بلوچستان نا جتاء علاقہ سبی، قلات و چمن ئٹ تراک و سم کاری نا تدینیک مسر۔
حوال آتا رد ئٹ قلات شار ٹی پولیس لائن نا ہائی اسکول نا امتحان ہال ئنا پارہ غان ٹہیفوک پاکستانی فورسز نا چوکی آ بمب جلہو اس مس واہم تراک ئٹ نسخان آتا جوانیکا سما تمتو۔
ایڑے سبی ٹی نادرست آ بندغ آک تراک اس کریر۔
پولیس حوالی تا رد ئٹ کریکر تراک ئٹ ہچو نسخان ئس متنے، پولیس ہمو ہند آ سر مریسہ پٹ و پول ءِ بنا کرینے۔
ایلو پارہ غان چمن ماسٹر پلان نا خڑک آ دیگر آن گڈ نا درست آ بندغ آک سم کاری کریسہ ایف سی کارندہ عبد الحکیم ولد امیر محمد قوم عشیزئی پڈو کاریز نا ہندی مرگ ئنا گواچی مس۔