خضدار نا علاقہ گریشہ نا ہندی صابر بلوچ نا خاہوت اونا زوراکی ئٹ بیگواہی نا برخلاف سی پیک کسر آ تولوک برانز کرے ہرانا سوب آن ہر وڑ ئنا ہن و بر بند مس۔
گریشہ نا ہندی علی دوست نا مار صابر بلوچ ءِ 26 فروری 2025 نا سہب اکن چار بجہ نا وخت آ کراچی آن پاکستانی لشکر و ڈھکوک ادارہ تا کارندہ غاک زوراکی ئٹ بیگواہ کریر۔
پن کروک ورنا نا آجوئی کن اونا خاہوت نال سی پیک کسر ڈاٹ کراس آ برانز کریسہ ہن و بر ءِ بند کرے۔
بلوچ یکجہتی کمیٹی نال زون پارینے کہ نن دا برجاء غا تولوک برانز نا ہمکوپئی کینہ و نال ئنا مخلوق آن خواست کینہ کہ اوفک دا تولوک برانز ئٹ تینے زو سر کیر۔