The Balochistan Postدی بلوچستان پوسٹ

سندھ ئنا بنجائی شار کراچی آن سی ٹی ڈی اِرا بندغ ءِ دزگیر کننگ نا دعویٰ کرینے، اندن بلوچستان نا ضلع کیچ آن فورسز آک مُسہبندغ ءِ دزگیر کریسہ نادرست جاگہ آ درینو۔ کاؤنٹر ٹیررازم ڈیپارٹمنٹ نا عملہ کراچی نا علاقہ ناظم آباد، پاپوش نگر ئٹ اسہ کاروائی اسیٹ اِرا بندغ ءِ دزگیر کریسہ اوفتیان سلاء وگولہ بارود خننگ نا دعویٰ کرینے۔ سی ٹی ڈی نا شعبہ سر و سوج نا انچارج چوہدری غلام صفدر نا رد ئٹ ناظم آباد، پاپوش نگر ئٹ کاروائی نا وخت 2 دوبہ دار فہدبلوچ و زاہد بلوچ ءِ دزگیر کننگا۔ اونا رد ئٹ دوبہ دار تیان اسہ توفک، 17 نائن ایم ایم پستول، توفک، نائن ایم ایم تون اوار جتاء وڑ ئنا 6500 سُم و نائن ایم ایم پستول نا34 میگزین خننگانو۔ غلام صفدر نا رد ئٹ اوفتے حوال رسینگاسس کہ پن کروک دوبہ دار آک سلاء تا بھلو کچ اس کراچی ٹی جلہو تا منصوبہ بندی کن اسہجاگہ ئسے آ سر کننگ خواہرہ۔ غلام صفدر نا رد ئٹ دوبہ دار زاہد بلوچ داڑان مالو ہم کیہی وار دزگیر مسونے، کیہی وار جیل آ ہنانے و ڈوہ تا ہیلی ئسے، دوبہ دار تا برخلاف سی ٹی ڈی تھانہ ئٹ مقدمہ درج کننگا۔ ایلو پارہ غا بلوچستان نا ضلع کیچ آن پاکستانی لشکر اِرا بندغ ءِ زوراکی ئٹ بیگواہی نا گواچی کریسہ نادرست ہند ئسے آ درینے۔ بیگواہ مروک ورنا تا چاہنداری وہاب نا مار واجو و شفیع محمد نا مار حسیم نا پن تیٹ مسونے۔ بیگواہ مروک آتے فورسز آک ہموتم دزگیرکریر ہراتم او غیاب آن گواک آ ہننگ ئسر۔ حوال تا رد ئٹ پن کروک ہڑتوما ورناک خڑک ئنا سیال ءُ و ہڑتوماک تیل ئنا پوریا تون تفوک ءُ و اوفتے دزگیر ہم ہموتم کننگا ہراتم او زر اکنخواجہ غا ہننگ ئسر۔ اندن استو کیچ ئنا بنجائی شار تربت آبسر آن فورسز آک اُرا غا چھاپہ خلیسہ زوراکی ئٹ بیگواہ کریر۔ ورنا نا زوراکی ئٹ بیگواہی ءِ اونا خاہوت پک کریسہ پارے کہ استو ننکان سئے بجہ غا پاکستانی لشکر حکیم بلوچ نا مار محمد جان ءِاونا اُرا غان دزگیر کریسہ نادرست جاگہ آ درے۔ خاہوت نا رد ئٹ ورنا دائسکان بیگواہ ءِ، اوفک کوالخواہ تیان اونا زو یلہ کننگ نا خواست کرینو۔

بلوچ لبریشن آرمی نا ترجمان جیئند بلوچ میڈیا غا شینک کروک بیان اسیٹ پارے کہ ننا سرمچار آک اِرا جتا جلہو تیٹ کوزہ گیرپاکستانی لشکر و اسہ حوالکاری ٹاور ئسے ٹک کریر۔ او پارے کہ بی ایل اے نا سرمچار آک استو مستونگ نا علاقہ کھڈ کوچہ ئٹی کوزہ گیر پاکستانی لشکر نا اسہ کیمپ…

حوال تا رد ئٹ اسلام آباد ٹی قائداعظم یونیورسٹی بست و بند نا پارہ غان 60 نا خڑک خوانندہ آتا برخلاف مقدمہ نوشت کننگا خوانندہآتا زیا مقدمہ کار سرکار ٹی دو شاغنگ، گڑاتے پرغنگ و خوانندہ آتے بیم تننگ آ نوشت کننگا۔ ایف آئی آر نا رد ئٹ خوانندہ آک جنگ آن گڈ یونیورسٹی نا…

یونان نا شار لاریسا نا ہند 2 ٹرین آتا دک لگنگ نا سوب آن کم و ود 29 بندغ مرگ نا گواچی و 85 ٹمپی مسونو ۔ حوال تروک ادارہ ‘ اے ایف پی ‘ نا شابیت حوال تا ردئٹ فائر سروسز نا ترجمان پک کرے کہ شکست دارالحکومت ایتھنز و تھیسالونیکینا نیام ئٹ ہمو…

تدوکا دے تیٹ پاکستانی لشکر نا دو آن زوراکی ئٹ بیگواہی نا گواچی براہوئی بولی نا پنی آ شاعر خواجہ مزمل نا خاہوت بیگواہ بندغ تا یلہ مننگ کن جہد کروک آ گل وائس فار بلوچ مسنگ پرسنز نا راہشون آتون اینو کوئٹہ پریس کلب ئٹ پریس کانفرنس کرے۔ پریس کانفرنس کریسہ خواجہ مزمل نا…

دے کہی بلوچستان نا بنجائی شار زاہدان ئٹ ایرانی فورسز آک اسہ پین بلوچ ئسے دزگیر کریسہ نادرست جاگہ آ دریر۔ شابیتی حوال تا رد ئٹ 24 فروری آ زاہدان ئٹ فورسز کارندہ غاک بلوچ ورنا ایوب لجائی ءِ دزگیر کننگ آن گڈ نادرست جاگہ آ درینو۔ خن خنوک شاہد آتا رد ئٹ ایوب جمعہ…

پڑو ادبی کچاری نا چئیرمین سعید نور تینا شنک کروک بیان اسیٹ پارے کہ براہوئی بولی نا و ادب نا پنی آ شاعر و پڑو ادبی کچاری نا باسک خواجہ محمد مزمل نا زوراکی ئٹ بیگواہی نا مذمت کریسہ پارے کہ خواجہ مزمل بے گناہ ءِ اودے زوت آن زوت  یلہ کیر اگہ او راستی…