The Balochistan Postدی بلوچستان پوسٹ

نودان و لُمّہ نوشت: سنجد بلوچ نودان بلوچی چادر ءِ کوپہ غا تخسہ مری بر چوٹ آتا بند آتے تفے و بلا شلوار نا کوْس تے جوڑسہ لُمّہ ءِ مدان ءُ توار ئسے ئٹ ہکل کرسہپارے لمہ ای اننگ اُٹ۔ لُمّہ مار ئنا ہکل ءِ بننگ تون چاہ نا پر انگا پیالہ غان گلم ئس الک و پیالہ ءِ ڈغار آ تخسہ سوج کرے جی مار کنا ہرانگ اننگ اُس دن سُہبمڑدان ؟ نودان  لُمّہ نا چاشن و مہر آن پُر انگا توار نا خوشی ئٹ ورندی ءِ ترسہ پارے لُمّہ مش تا اننگ اُٹ۔ لُمّہ مار ئنا ورندی ءِ بننگ تون چاہ آن پر انگا پیالہ ءِ اسہ کنڈ آ تخسہ تینا دمدروکا نت تے مُریفے و ڈغار آ تخوکا چشمک ءِ تینا خنتا تخاو مار آن پدا سوج کرے جی مار کنا ہرا مش تا؟ نودان بلوچی چادر ءِ مُخ ئٹ تینا پیریس تس و رہی آ تینا تخوکا آدینک ءِ اسہ کنڈ کرسہ پارے لُمّہ بولان آ۔ لُمّہ دمدرینگوکا جون ءِ تینا دیوال آ جوکہ تس و اندا تکا کہ مار کنا ہڑدے نا وڑ پکنک آ اننگ ءِ بلکن، ولے است ءِ تینا تسلی تننگ کن سوجکرے مار پکنک کن کارے؟ نودان لُمّہ نا دوی آن پکنک نا لوز ءِ بنسہ بشخندہ کرے ماہو ءِ اُست آ شاغا ہرا پکنک ئسے ٹی نودان ءِ امنا کرفیسس کہ دا غلامی نا زند ءِمونی تیر کروئی اف بلکن مش تا انسہ دشمن تون جنگ تروئی ءِ و انداڑتون نودان ڈغار آ تموک پُچ ءِ تینا چوٹ آتا صفا کننگ کن ارفے ولُمّہ ءِ پارے آخہ لُمّہ پکنک کن انپرہ بلکن مدامی کن مش تے تینا ہنکین جوڑ کننگ خواوہ۔ لُمّہ نودان نا ہیت آتے بنگ بشخندہ کرسہ مخا و نودان ءِ پارے چُنا کنے ریفنگ اُس۔ نودان بغل جولا نا تینا چین ءِ بند کننگ ئس و لُمّہ نا ہیت آک اونا خفٹ پنار، او سوج کرے انتئے لُمّہ؟ لُمّہ تہ پژہ غاتے تینا پدی خسا و پارے چنا مش تے دیر تینا ہنکین جوڑنگ کیک؟ او ہم مدامی کن، مش تے آ بندغ آک اسہ دے مننگ کپسہو نی مش تے تینا مدامی کن ہنکین جوڑنگ خواسہ؟ نودان لُمّہ نا ہیت آتے پام تریسہ بننگ ئس و دا وار نودان پین ہچ ہیت کتو بیرہ لُمّہ غان تینا ہندا سوج کرے لُمّہ نی وخت ئس استاد اسلم ناپن ءِ بنگنس؟ لُمّہ کاٹم ءِ شیف کرسہ پارے ہرا استاد اسلم؟ اسکول نا نما استاد ئسے انت؟ نودان رہی آ تینا تخوک آ کتاب ءِ نظر ئس شاغا و پارے آخہ لُمّہ ریحان نا باوہ جرنل اسلم نا پاننگ اُٹ۔ لُمہ کاٹم ءِ سرفسہ پارے ہرا ریحان؟ نودان مون ئٹ تینا کھوس شاغا و دیخس ترندی ئٹ پارے لُمّہ ریحان ہمو ہرا دشمن آ جند ندری جلہو ئس کرے ہرانا عکس ءِ منہ تُو مستموبائل آ شان تسوسٹ نے و نی ریحان نا بشخندہ غا دروشم ءِ خنسہ پاریس اخس چنک و زیباؤ چُناسے۔ لُمّہ نودان نا ہیت آتے بنسہ چشمک ءِ خنتے آن تینا دڑفے و خن تے تینا ترندی ئٹ پڷسہ پارے اُفف مار کنا۔ لُمّہ نا باء آن پیشتموک آ اُف آ نودان ہبکہ مس و لُمّہ غان تینا سوج کرے انت مس لُمّہ؟ لُمّہ چشمک ءِ تینا ڈغار آ تخا و استاد اسلم ءِ یات کریسہ تینا خنتا خڑینک آتے توننگ کتو و  پارے ہچ متو کنا مار، بس کنے استاد اسلمیات بس کہ نی ہرا استاد اسلم نا ورد ءِ کننگ ئسس۔ استاد اسلم کن پیشتموک آ لُمّہ نا خڑینک آک نودان ءِ جوزہ تسر و نودان مدان ءُ توار ئسے ئٹ پارے لُمّہ ای مشتا انسہ اندا استاد اسلم ناٹولی ٹی اوار مننگ خواوہ۔ لُمّہ گُد ئنا تینا پلو ئٹ خنتے تینا پاک کرے و ہیت ءِ ہڑسا و نودان ءِ پارے چنا کنا نی دائسکان چُنک اُس تینا خواننگ آ پام ایت۔ نودان لُمّہ نا کیب آ ہنا توس و پارے لُمّہ ای داسا چنکوس افٹ بلکن ورنا مسونٹ، ای دشمن تون جنگ تننگ کیوہ۔ لُمّہ تینا دو ءِ جیب ئٹ درے و ناخونک ءِ تینا کشا و پارے مار کنا داخس ضد انتئے کننگ اُس پاریٹ نے نی دائسکان چنک اُس و دائسکاننے بیرہ 18 سال مننگ ءِ۔ نودان بھلو دم ئس ہلک و لُمّہ غان تینا سوج کرے لُمّہ نی وخت ئس شہید حئی، شہید مجید نا پن ءِ بنگنس؟ لُمّہ سرہ ءِ تینا دامون ایمون سرفسہ پارے آخہ چنا۔ نودان جوزئی مریسہ پارے لُمّہ شہید حئی، شہید مجید ہڑتوماک ایلم ئسر و وطن نا رکھ اکن شہید مسر، مجید نا سن بیرہ 17 سال ئسو حئی نا سن 19 سال ناس ئس۔ لُمّہ مار ئنا کسہ غاتے ہبکہ و چپ چپی ئٹ بنسہ ئس۔ نودان چپی ءِ پرغسہ لُمہ نا پام ءِ تینا پارہ غا کرے و پین کسہ ئس بناء کرے پارے لُمّہ سال ئس مست ریحان نا اسہ پین سنگت ئس ہمشہید مس سربلند پنی ءُ او ہم چنک و زیباؤس ئس، ہندن لُمّہ منہ تُو مست نا وڑو لُمّہ ئس کراچی ٹی بدری قوضہ گیر تا زی آ جلہو کرسہننا آسودئی کن گوری مس ہرانا زیبلا دروشم ٹی بولان نا زیبائی و آجوئی آن پد ئنا گل و بالی قیذ ئس۔ لُمّہ خڑینک آتے پاک کرسہ نودان نا کوپہ غا دو تخا و میرک ءِ پارے کان مار کنا ارغ کنین دا ہیت آتے یلہ کر۔ نودان ارمانی مرسہ پارے آخہ لُمّہ بس کنے موکل ایت ای سربلند مننگ خواوہ۔ لُمّہ گوڑینگوک گوڑینگوک مار ئنا پارہ غا ہرا و پارے مار اُراٹی کس اف و نے امر موکل ایتو؟ نودان خن تے تینا لُمّہ نا خنتے ٹی خلک و مہر آن پر ءُ توار ئسے ٹی پارے لُمّہ فدائی سربلند تینا ایسری کلہو ئٹ پاریسس کہ ننے تیناذاتی اُست خوائی تے ایسر کروئی تمو، ننے بیرہ تینا ذات، تینا خلق و تینا چنا تسکان آخہ بلکن ننے راج ئکن سوچوئی ءِ، و لُمہ فدائیسربلند پاریسس کہ کنا اننگ آن گڈ نم ریحان نا توفک ءِ موہاڑ کیرے گڑا لُمہ ای ریحان نا توفک نا موہاڑ کن اننگ اُٹ، لُمہ نی لُمہ یاسمیننا وڑ شیرزال مرسہ کنے موکل ایت۔ لُمّہ خڑینک شولنگ آن بیدس ہچ ہیت کننگ کتو۔ نودان موبائل ءِ جیب آن تینا کشسہ پارے لُمّہ دادے اُر۔ لُمّہ دمدرینگوکا نتے تینا مچ کرے و مدان ءُ توار ئسے ئٹ پارے انت ئس مار کنا؟ لُمّہ، لُمّہ یاسمین نا ہمو ویڈیو کلہو ہراتم تینا چنک سن آ جغر نا ٹکر ءِ آزاد بلوچستان نا بیرک ءِ بیرفسہ جیرت ئٹ رخصت کیک۔ و مار ءِتینا پاہک ان کنا مار ای نے وطن نا پن آ کریٹ۔ انت لمّہ نا است ئٹ دا شہید انگا ورنا تے کن انداخس مہر اف کہ نی کنے اوفتا مشن ءِمونی دننگ کن موکل تننگ افیس؟ لُمّہ مدان ءُ توار ئسے ئٹ سوج کرے مار کنا آخر نی مش تا اننگ انتئے خواسہ؟  لُمّہ تینا مہروان شہید حیو و سڑک آتے آ تولوک لُمّہ غاتا خڑینک و دتر تا بیر ءِ النگ کن، لُمّہ نی نظر ئس ڈغار آ شاغ اینو ننتون اخس ظلممننگ ءِ، ہڑدے بندغ آتے بے گواہ کننگ بے سلاء غا بندغ آتے کھسفنگ لُمّہ غاتے سڑک آتے آ اوغفنگ، زالبول تا شرف ءِ پلنگ دا ہچو چنکوہیت افس، لُمّہ ای پین مستی غلامی نا زند تیر کننگ کپرہ۔ ننا ایسری کسر سلاء بند مزاحمت ءِ آخہ گڑا نن حیات نا وڑ تدینی تا کسر ئٹخون مرسہ کرون۔ و لُمّہ شاعر آ مرید ہم نن ورنا تا ودار ئٹ بے جارات تولوک ءِ او ورنا تے کلہو کرسہ پاہک۔ “عمر مچا نے کہ توسن نہ بتوسک نی بفیسہ. تینے نن اہون ریفین توسن نی بتوسک نی بفیسہ” لُمّہ خنتے تینا پاک کننگ نا وخت آ منہ ساعت چپ مس و چپی آن پد اُست ئٹ دا سوچنگ ئس کہ گواچنی کنا مار ورنا مسنے و اود تیناآخہ بلکن راج ئنا مننگ خواہک۔  اسہ وار ولدا نودان لُمّہ نا چپی ءِ پرغسہ خواست کرے لُمّہ کنے موکل ایت۔ انداڑتون لُمّہ بشخندہ کرسہ مار ءِ تینا ترندی ئٹ خمب و اوغسہ  پارے مار کنا موکل ءِ نے۔ نودان لُمّہ نا موکلی آ لوز آتے بنسہ ترندی ئٹ اوغنگ ءِ بناء کرے و اُست ئٹ خوش خوش سوچنگ ئس کہ کنا لُمّہ،لُمّہ یاسمین مس۔ نودانکاٹم ءِ تینا لُمّہ نا خمب آن کشا و ترندی ئٹ الماری نا پارہ غا رمب کرے و الماری ءِ ملسہ دراز آن آزاد بلوچستان نا بیرک ءِ کشا لُمّہ نا پارہغا رمب کرے و لُمہ آن خواست کرے کہ دا بیرک ءِ بینف کنے و لُمّہ یاسمین نا وڑ رخصت کر کنے، بلکن اینو آن گڈ وخت ئس ہم اوڑدہ مننگکپن۔ لُمّہ نودان ءِ مدامی کن رخصت کننگ نا وخت بیرہ “اللہ نا باہوٹ اُس” نا منہ لوز پارے۔

بلوچستان نا ضلع کیچ نا تحصیل بلیدہ ٹی ہفتہ نا نن اسہ اسکول ئسے خاخر تننگانے۔ شابیتی حوال تا رد ئٹ نادرست بندغ آک تحصیل بلیدہ نا یونین کونسل الندور ٹی ٹہیفوک اسٹ انگا پرائیوٹ اسکول کلکشان ءِ ہشیسہ بھس کریر۔ علاقہ نا بندغ آک تدینی آ رد عمل تریسہ پاریر کہ بست و بند…